好爸爸面相詳解

好爸爸面相詳解

做得人爸爸不代表一定是好爸爸，究竟他是慈父抑或是嚴父?

是否痛錫自己的仔女?其實從他的面相都可以睇得出一二。

眼珠夠大有人情味

眼珠大唔大，是依據整隻眼的比例計算。眼珠起碼要貼住眼窩的邊緣，只要不是三白眼、四白眼就可以稱為眼珠夠大。原來眼珠夠大代表為人有人情味、心地夠善良，教仔的時候零舍有耐性，教到煩厭時都不會立亂打仔出氣。

下巴平闊享受家庭生活

下巴是代表屋企的家宅運，尖的話，代表這人不留戀屋企，鐘意四周圍蒲;但若下巴平而闊的話，那就表示他喜歡享受家庭生活，得閒鐘意同仔女行街食飯;換言之，同仔女的關係也特別有緣份。

顴骨較平顴骨較平

做人仔女最怕爸爸脾氣暴躁，一言不合鬱就「一巴」摑埋a。所以爸爸的顴骨突唔突出，對仔女來講是好重要;因為顴骨夠平，是個不會亂髮脾氣、鬧仔、打仔的好爸爸，佢仔女都零舍願意同佢傾多兩句。

鼻冇節親子感情佳

但凡鼻樑有節，這種爸爸特別急躁、欠缺忍耐力;相反，若果鼻冇節教仔女做功課特別有耐性，「唔明教到明」為止，有個乾爸爸拗撬，子女、夫妻感情都融洽。

地閣飽滿仔女愛戴

地閣即是指腮骨同下巴之間的位置，這個位置下陷代表爸爸有沒有家運，只要這位置夠飽滿，沒有下陷的情況，就表示爸爸甚得仔女的擁護同愛戴。仔女愛戴自己，自己又點會謬謬然發脾氣鬧仔女呢?即使有拗撬能抑刃而解，順曬條氣。

鼻樑低接納子女意見

鼻樑低的人是種肯接受別人意見的面相，不一定父親的見解就是對，做爸爸肯聽取仔女的意見是非常重要;相反，接受仔女意見才是做爸爸的首要條件，父親與子女有傾有講，代溝也不會產生。

前額髮高幫理不幫親

前額髮低，分析能力低兼固執，永遠是死牛一邊頸，所以好爸爸的前額最好髮較高，那樣才會幫理不幫親，有理説得通，有得傾自然同仔女溝通無問題，而且也為子女樹立好榜樣，成為一個講道理的人。

眉梢整齊言之有物

原來眼眉的末端整齊，在玄學上是代表這個人思想亦較有紋有路，不會無原無故亂髮脾氣。若這種人做爸爸，畀佢鬧都合情合理多，永遠一語中的，言之有物。若加上眉骨不外露，更絕對不是性格衝動的老竇。