找個夾嘴形的情人！

找個夾嘴形的情人！

同情人夾唔夾要相處過至知，但是本性系點？一睇嘴形就一清二楚。所以呢，為免找著個唔合拍情人，都系先夾夾嘴形至穩陣。



【嘴形對對碰】

上脣薄下脣厚+上脣薄下脣厚

既然你是個著重愛慾的當代豪放女，自然要搵番個你一樣咁有「性」格的情人啦！否則對方又點滿足到你晚晚需索，抬起頭做人呢？

上下脣厚+上下脣厚

有兩片厚厚嘴脣的姊妹，不用強裝純情了，沉淪於慾海的你，一定要配番個豐厚嘴脣的有情人。大家個「性」一致，才能如膠似漆，如魚得水。

上下脣薄+上下脣薄

兩片嘴脣薄薄的你，個性害羞，將感情埋藏心深處，外表冷冰冰似的，拒人於千里之外；若果唔搵個熱情如火的厚脣情人來燃著你的戀火，孤獨終老都有之。

嘴大+嘴細

嘴細姊妹好細膽，大事固然不敢?主意，就算小事如去餐廳用膳揀菜式都左度右度；配個嘴大做主動的情人，就可以體貼地事事幫你安排，不用你操心。

嘴角向下+嘴角向上翹

一個樂觀，一個悲觀，互補不足，剛好平衡兩個人的極端性格。否則兩個都樂天派，天跌落?當被，對未來全無計劃，有起事時就一鑊熟；相反，齊齊都是悲觀主義，事事自怨自艾等運到，無法逆境求生唔乞米至奇！

上脣厚下脣薄+上脣厚下脣薄

追求拍拉圖式戀愛的你，著重精神上戀愛，講得俗點即是性冷感，當然要搵個同你目標一致的情人，否則佢晚晚有要求，避都避唔到咁多！系咪？

歪嘴+歪嘴

少少歪嘴唔緊要，只要搵番個歪嘴情人就?晒key啦！到時兩個都咁鐘意吹水，你一句、佢一句，日對夜對永無冷場，唔怕對方覺得煩，正呀！

脣中間有珠+上脣厚下脣厚薄皆可

咁鐘意嗌交，仲要繫有贏無輸，你一定要搵個重情的人，至會事事忍讓你，畀你威?；否則兩個人日日家嘈屋閉，你又傷到個男人自尊，大傷感情離婚都有之。

*性格由天定，若情人與你唔夾嘴形，就算你劃脣線，用脣膏劃大個嘴都改變唔到你命運。唯一可以是嘗試改變自己的性格去遷就，是否成功就睇你造化。