乾：元，亨，利，貞。
彖曰：大哉乾元，萬物資始，乃統天。雲行雨施，品物流形。
大明始終，六位時成，時乘六龍以御天。
乾道變化，各正性命，保合大和，乃利貞。首出庶物，萬國咸寧。
象曰：天行健，君子以自強不息。
初九：潛龍勿用。
象曰：潛龍勿用，陽在下也。
九二：見龍在田，利見大人。
象曰：見龍在田，德施普也。
九三：“君子終日乾乾，夕惕若，厲無咎。”
象曰：終日乾乾，反覆道也。
九四：或躍在淵，無咎。
象曰：或躍在淵，進無咎也。
九五：飛龍在天，利見大人。
象曰：飛龍在天，大人造也。
上九：亢龍有悔。
象曰：亢龍有悔。盈不可久也。
乾卦講議篇：
佔到呢一卦問前程，乾卦六爻皆陽，陽為剛健，剛陽過頭，講做事就未必咁順利，好容易會有突然間出現即波折，或者意料之外的事，同時剛陽過頭代表處事唔會探納其他人的意見，容易俾自己的性格所累。
問婚姻未結婚就要考慮清楚，如果結了婚就要堅忍。呢一卦唔主張離婚，因為元亨利貞，講究堅忍正道，同時亦都充份表示大男人主意，所以要堅忍的系女人。
問事業，如果做生意就主張獨資，因為乾系唯我獨尊，獨斷獨行，根本無合作可能，打工就主有升職機會，唔主張轉工。
初九：
佔到呢一爻問前程，表示來問卦的人重未行運，唔單止未行運，重可系處響衰運之中，要對佢加多鼓勵，勸佢積聚實力，以待時機，成個卦系剛陽過度，所以問題一定系出於人事上面，所以要解決問題就一定要從人事上着手。
問婚姻表示未到時候，結姻實力未夠，離婚怨氣又未夠，等下先啦。
問事業要創業就重未系時候，打工就宜靜不宜動。
九二：
佔到呢一爻問前程，有發展前途，同時亦有貴人出現，做生意以前好睏難的，而家就開始順利了。
問婚姻表示接近成功階段，如果要真正成功就要有個長輩幫助就實得。呢一爻唔主張離婚的，如果來問卦的對方想離婚，而自己唔想離婚就要拖，因為會有其他原因或事影響對方打消離婚之意。如果自己想離婚，就自然有一個有力人士出面影響你，令你唔會離婚，因為系德施普也。德系正面的，德施係一種好的影響。
問事業可以同人合作，呢一爻系未到自已楂主意的時候，所以就算合作都可能系佔細股份，打工就很快有升職機會。
九三：
佔到呢一爻問前程，事情已經開始了，開始達到目的，但系千祈唔好鬆懈，重要的需要更加勤力。
問婚姻，呢段婚姻就唔會太開心的，但系都唔主張離婚的，反反覆覆嗌完交又會好番。
問事業表示無論合作的有幾多，所辛苦的都系自己，因為怕有過失，成日自己反省，所以自己蝕祗，打工仔就表示來問卦的人是一個好盡責任的人，得到老闆器重，唔主張變動。
九四：
佔到呢一爻問前程，就表示面臨一個重大的決定，問卦者正在憂疑，爻象顯示一定唔可以退縮。
問婚姻唔好諗，“拿拿林”拉埋天窗就好，如果問離婚就一定離的成，因為一心要離開呢個環境，所以一定離得成的。
問事業就唔主張合作，因為呢一爻講大事要自己決定，打工就跳槽好過留低。
九五：
佔到呢一爻問前程，謀事成功的機會好大，同時要檢討自己的性格會唔會過橋抽板，因為呢一爻系講成功之後個立場掉轉了，由要靠人幫變成手握大權，立場改變自然性格亦都會變埋，俗語謂做左鬼就會迷人。
問婚姻就係一個好的卦爻，經過好多事之後卒之成功，呢一爻系表示成功的，問離婚系唔好的，唔系表示離婚都算成功，其實系誤解，因為離婚系失敗的婚姻，所以唔符合呢個爻義。
問事業唔主張合作，因為九五之尊系無人可以同佢平起平坐的，所以合作根本唔使提。
上九：
佔到呢一爻問前程，表示來問卦的人好唔滿足，不斷追求，亦無停止的一日，呢種人天生系一個勞碌不休，同時亦系一個孤獨的人。
問婚姻好難得美滿的，因為不繼追求完美，可能千揀萬揀，揀個爛燈盞。來到呢一爻問離婚就好，因為再無轉彎的餘地。
問事業最忌擴張，呢一爻系講知進不知退，所以佔到呢一爻問擴展而話俾佢聽不宜發展，系聽唔入耳的，因為知進又知退的只有聖人先至做得到，但繫世上聖人有幾多呢，所以有時只有睇住佢衰，唔可以救佢。打工的唔系跳槽而系俾人炒，因為無論你做得點好都無用，客觀環境要令你改變，唔系自願的，所以被炒的機會居多。
人生運勢站
